楊仲文

“杏花春雨江南”六個字信息量蠻大，時間地點、氣候物候儕辣里廂。過去江南地區(qū)春天養(yǎng)個小姑娘叫杏花個常有，錢家塘里就有三個女小囡叫杏花，年齡相仿小學(xué)里同班同學(xué)，大家從小到大一直蠻要好。長大了三個杏花儕是地下黨員，因為勿辣一個支部里，彼此并勿曉得對方是共產(chǎn)黨員，當(dāng)時情況也很正常。

杏花當(dāng)中年紀(jì)頂大讀書最多個一位，好記點稱伊為教師杏花。伊讀個是師范，書讀出來勒中學(xué)里教書，伊個組織上線老姜也辣一道教書。當(dāng)年校舍設(shè)備交關(guān)短缺，常常同民居混雜了一幢建筑里，傳說迭幢老房子個頂閣樓里吊殺過人，常出鬼，葛末就堆了學(xué)堂個雜物，平常勿大有人上去，夜里廂就更加勿談了。正好畀杏花老師同老姜伊拉里廂開會活動，秘密根本嘸沒人曉得，甚至用學(xué)堂個手工油印機印傳單等等也勒迭間“出鬼”個房間里進行，交關(guān)方便。

迭辰光東北戰(zhàn)役開始，白區(qū)個形勢吃緊起來，老姜就畀紅車子捉進去了。當(dāng)時從美國進口了幾部囚車，上頭好架機關(guān)槍，車身密封窗門也嘸沒，迭種兩手貨重新噴一噴紅顏色，號稱啥個“飛行堡壘”，存心嚇嚇老百姓，嗚啦嗚啦開了馬路浪捉人。

搿天夜里九十點鐘辰光，有人敲老姜屋里個前門，還嘴巴里大聲喊：“老姜，老姜，開門開門！”聽得出是組織里一位同志辣喊，但是聽聽勿對，哪能勿是平常個聲音？喉嚨夾緊之難聽得勿得了，像鬼叫一樣。老姜馬上警覺起來就朝后門跑，剛走到樓梯口，灶披間里嘸沒燈，看得清清爽爽灶披間后門旁邊一扇窗外頭，弄堂路燈下一個黑影子一閃，老姜馬上上到三樓曬臺。上海交關(guān)老式里弄房子一排生曬臺接曬臺連了一道，當(dāng)中拿道矮磚墻隔開，大人可以跨得過去。老姜連跨兩三家人家嫌鄙忒慢，因為有點矮墻上頭擺了盆栽綠化，索性立辣矮墻上再爬到三層閣個屋頂，辣辣屋脊上頭四手四腳像只貓介爬。爬到排房子盡頭再從屋頂下到曬臺，推推曬臺門虛掩辣海，就輕手輕腳進到人家屋里，再下到二樓、一樓，從灶披間后門扭開司必靈鎖出到弄堂里。嘸沒走兩步路就畀一把逮牢，迭批反動家伙也是老鬼，曉得迭格路數(shù)候辣辣。

教師杏花就來求杏花嫂幫忙，杏花嫂三個人當(dāng)中年紀(jì)最小，結(jié)婚早，畀大家尊稱為杏花嫂。杏花嫂叫自家老公，蘇北幫個小老大篾匠進寶出面去保老姜出來，小老大進寶就用“蘇北同鄉(xiāng)會”個名義去警察局活動，講“老姜也是嘸沒辦法，幫了教師公會出頭討欠薪……”。老姜出來個辰光，是蘇北幫賬房間老李去領(lǐng)出來，人家對老李講：“搿趟賣倷小老大個面子，關(guān)照姓姜迭個人，下趟再跳上跳落阿拉就對伊勿客氣了。”

老姜出來到杏花嫂店里，一是謝謝伊幫了大忙;二是請伊帶閑話畀教師杏花，講自家回蘇北鄉(xiāng)下教書去了，叫教師杏花放心，要伊等了，“我總歸會得回來，一定要等我?！崩辖v自家勿方便去見教師杏花，請杏花嫂一定轉(zhuǎn)告。杏花嫂也猜得出，迭個是組織上安排老姜轉(zhuǎn)移到蘇北新四軍根據(jù)地繼續(xù)革命去了。

后頭閑話先講，新中國成立以后老姜跟了部隊進城，作為軍管會成員接管教育局，再后頭伊同教師杏花兩家頭做了夫妻，一直戰(zhàn)斗辣教育戰(zhàn)線直到退休。

講回到蘇北幫小老大進寶，畀“江北皇帝”顧竹軒收作關(guān)山門徒弟之前，跟伊個老爹（祖父）辣辣錢家塘口頭南昌路上撐一爿小小個篾竹店。過了兩年老爹做勿動了，進寶手里也稍微積了眼鈔票，就拿篾竹店翻修一下改了間煙紙店，小小個?，F(xiàn)在是伊個童養(yǎng)媳婦杏花嫂看辣海，啥人也勿曉得杏花嫂是共產(chǎn)黨員，迭爿煙紙店就是一個交通聯(lián)絡(luò)點，是極其秘密個“郵局”，組織上來個人拿“信件”存了迭爿煙紙店里，規(guī)定辰光又來個人接上頭拿“信件”取走，就介簡單。但是辣辣白色恐怖下頭又重要得勿得了。

一天來個年輕人，大學(xué)生模樣，著得清清爽爽，客客氣氣對杏花嫂講：“有人寄了樣物什辣倷此地，麻煩儂我來拿轉(zhuǎn)去?！?/p>

聽伊嘸沒講出接頭暗號就直別別開口要物什，杏花嫂就裝樣子辣辣小小個煙紙店里東翻西翻，一面尋一面嘴巴里講：“嘸沒啊，儕是店里個物什，阿會得畀人家拿轉(zhuǎn)去啦，儂講得出是啥樣個物什伐？”

迭個人也講勿出，講了兩聲：“我大概搞錯脫了，再到別家煙紙店去看看，對勿住……”就跑脫了。

杏花嫂定心坐脫一歇，拿起一只熱水瓶倒出大半熱水辣只面盆里，然后拎了熱水瓶前店門走出來，辣上街沿拿余水倒了馬路邊個陰井里，迭個是存心做畀周圍迓辣海個便衣密探看個。然后伊走兩步彎進錢家塘里廂，跑到一間老虎灶，也就是連牢“錢塘浴室”迭間去泡開水。伊低聲對老虎灶燒水個老羅講：“有人來過了，出事體了。”老羅回了句：“儂自家當(dāng)心，天快亮了?！毙踊ㄉc點頭，同老羅兩個人目光堅定個對看了看，就又拎了熱水瓶回到店里。

“錢塘浴室”只老虎灶辣錢家塘北出口，靠了霞飛路（淮海路），自家個煙紙店辣辣南出口南昌路浪。迭段直穿錢家塘個路浪一歇工夫，只看見一幫便衣拿爿煙紙店圍牢塞滿，見到杏花嫂回來就兇來兮問伊：“東西呢？快把東西交出來！”杏花嫂就裝作嚇壞脫個樣子，拿手一松，只熱水瓶摜了地啷“嘭”一聲來得個響！伊想隨便哪能總歸要發(fā)個信號，告訴自家同志此地出事體了。

杏花嫂就講：“什呢東西？你們啦快來的狠三狠四，要什呢東西？講??！”杏花嫂心想總歸要擺出點蘇北幫小老大女人個威勢搭倷搞搞。兩個便衣就講：“共產(chǎn)黨交把你的東西，快點交出來！”杏花嫂回答伊：“噯唷喂！這位長官兄弟，你不要血口噴人，這種事情犯上了要殺頭槍斃的，不好瞎講！吾開個煙紙店小本經(jīng)營，有什呢事你們找吾家男人進寶去講?！眱蓚€便衣曉得迭個女人勿是好吃吃個，講勿定其中兩個還是蘇北幫個人，就講：“吾們公事公辦，待下子跟我們局里去跑一趟?！毙踊ㄉ┞牭贸鲆晾鸶夷哪?，就答一句：“去就去，讓我跟男人關(guān)照一聲……”

迭辰光有個便衣大叫：“找到了，找到了！”小小個煙紙店兜底翻，辣辣柜臺頂下頭伊拉尋著一只報紙包，薄薄個一本雜志大小，特務(wù)就目露兇光對杏花嫂訓(xùn)斥：“你嘴巴不要兇，這個是什呢東西，快點交代！”

杏花嫂勿慌勿忙回答：“我咋家曉得什呢東西，又不是值錢的東西，里頭是鈔票金圓券啊。”金圓券是當(dāng)時法定貨幣，臨近解放已經(jīng)貶值得像草紙一樣，一底人發(fā)工鈿還要拿面粉袋裝，杏花嫂故意實梗講嘲嘲伊拉。不過心里邪氣擔(dān)心，真勿曉得打開來里廂是啥個重要秘密文件。“這下玩大了?！?/p>

兩個便衣三記兩記拿報紙撕開，里廂是一本《青青電影》雜志，伊拉連忙拿出一瓶藥水辣辣雜志每張紙頭上橫搨豎搨，又拿一只五節(jié)頭電池個大手電筒橫照豎照……迭種手電筒講是美國來路貨個鐳錠燈，可以照得出秘密寫個字來。弄了半日天只尋出好幾只手指頭印子，當(dāng)年還勿發(fā)達，嘸沒啥個指紋庫，兩個便衣也勿當(dāng)樁事體。杏花嫂看到搿里心倒定下來了，曉得迭是份接頭通知，收到個人可以得到迭個信息：“阿拉老辰光老地方碰頭?！蔽饡缘脗€人就是拾著迭本雜志也嘸沒用場。

鬧出介大個動靜，自然有人告訴了小老大進寶，伊就帶了兩個兄弟還有賬房間老李趕得來。對方領(lǐng)頭個人識相勿出面，倒是兩個手下頭人對進寶講了講哪能樁事體。進寶上過臺面見過世面，就講：“各位辦公事我不好打擾，對不住了。我家主婆開迭爿煙紙店也不是一天兩天，左鄰右舍走過路人天天見到，有什呢不周全的地方請各位多多包涵?！敝v完就拱手為拳朝四周敬一圈。接下來伊就講：“吾們出來闖四方，蘇北幫講的是：‘拳頭上好跑馬，胳膊上站得人。這個老祖宗的規(guī)矩吾是記在心上。開個小店，于人方便，于己方便，人家相信你把個東西在你這塊存一存、放一放，恐怕不好隨隨便便拒絕，行這個方便的也不是吾們一家。至于存些什呢東西不好說，你們查到了盡管帶走，這個責(zé)任嘛，吾們小小老百姓有口飯吃吃就日子太平了，管不了那么多呀！各位辛苦了，少不得吾進寶要跟你們跑一趟……”

進寶個閑話軟中帶硬，處處辣路浪，講得交關(guān)漂亮：“我跟倷到警察局去跑一埭?！眱蓚€特務(wù)就連忙打哈哈：“什呢話什呢話？東西拿回局子里去再講，后會有期，后會有期?！币慌四昧吮倦s志走了，但是留下了一個特務(wù)坐了店里看守。

迭個特務(wù)黑黑瘦瘦像個白粉鬼。當(dāng)年個白粉也是毒品，相當(dāng)于今朝頂蹩腳個可卡因。坐了店堂里歇息打哈欠，杏花嫂就拿出包白金龍香煙請伊，迭個特務(wù)也老實勿客氣順手拿包香煙搭自來火一道統(tǒng)統(tǒng)擺進自家袋袋里。杏花嫂又叫隔壁店里個小頑頭幫忙叫了客湯包來畀迭個特務(wù)吃，吃好之后對伊講：“吾去泡壺突突滾個開水來泡杯濃茶你喝喝可好？”特務(wù)響也勿響點點頭，杏花嫂又拎了只熱水瓶到北口頭“錢塘浴室”去泡開水，迭個特務(wù)吃飽了懶得跑就坐了店里呼香煙嘸沒跟得去。杏花嫂定定心心對老羅拿大概講了講，老羅講：“頂要緊勿好再有人來擺物什?！毙踊ㄉ┪鸲嘀v了就拎了只熱水瓶回來泡杯茶畀店里坐了個特務(wù)吃，迭個特務(wù)倒好，天天香煙點心享受了三日天再走，自然是空了手走個。

搿天夜里小老大進寶對家主婆杏花嫂講：“你是共產(chǎn)黨也不會對我講的，明天我叫兩個兄弟送你們娘兒倆到鄉(xiāng)下去避避風(fēng)頭。”杏花嫂就講：“我這一走不打自招是共產(chǎn)黨了，他們就會來找你麻煩?！边M寶講：“吾怕什呢？”杏花嫂就又講：“吾們店照開，就是不再存東西，看他們還有什么話說！”進寶嘆了口氣說：“狗急跳墻，明擺著局勢到了今天，當(dāng)心他們瘋狗亂咬人啊。”

過兩日煙紙店玻璃柜臺浪貼出張勿大勿小個告示：“店小本短，恕不寄存”。葛末迭趟特務(wù)直接來尋著小老大進寶了，講：“這樣一來共產(chǎn)黨抓不到了?！边M寶就回答伊拉：“難哪！存人家東西，講是共產(chǎn)黨來擺的，不存人家東西，又講抓不到共產(chǎn)黨了。他不擺我們這家還有其他煙紙店好存放。多了呢，上海灘煙紙店比螞蟻還多，靠這個抓共產(chǎn)黨抓得光？難！”

邊浪賬房間老李就遞上根香煙還點著了火，壓低點聲音講：“吾們男人出來混不容易啊，上有老下有小，一家老小擔(dān)子重哪。聽說啊，老蔣坐了美國兵艦到臺灣去了……局勢明擺這塊，貴兄弟該考慮考慮后路啊?！?/p>

讀者曉得也猜得到，賬房間老李也是地下黨，組織上派了蘇北幫里廂做工作。迭一年四月底，上海地下黨就對國民黨軍政人員秘密派送信件，警告伊拉認(rèn)清形勢棄暗投明，起義反正主動贖罪，爭取寬大處理。老李自然勿會放過迭個送上門來個對象，點明伊一條路，起到了分化瓦解敵人陣營個重要作用。從此以后，迭些特務(wù)就勿再來了。

后頭組織上弄清爽，搿趟是有個叛徒供出來用南昌路錢家塘口口頭迭爿煙紙店做“郵筒”個事體，因為伊是新轉(zhuǎn)過來個關(guān)系，還嘸沒執(zhí)行過迭個任務(wù)，伊就勿曉得迭爿煙紙店是個聯(lián)絡(luò)點，也勿曉得規(guī)定個接頭暗號，當(dāng)然更勿曉得老板娘個真實身份。特務(wù)密探聽伊講了就以為只是爿普通個煙紙店，沖過來三嚇頭冒一冒，畀杏花嫂沉著對付過去。只是廢脫一處聯(lián)絡(luò)點，損失還是蠻大個。

講到上海個煙紙店老虎灶，忒有特色也忒平常了，街頭巷尾隨處可見，算得是上海個一種人文符號。只要是上海人，從小到大嘸沒一個勿是同煙紙店老虎灶打過交道，講起煙紙店老虎灶賽過馬上就得到了是勿是上海人個認(rèn)同感，啊是交關(guān)特別。

乃末再講到第三位杏花，過去上海閑話講伊是“做廠”個，而勿講伊是“做工”個。做廠杏花個上線是老池，搿辰光老池辣赫德路（今常德路）英商電車公司開有軌電車。伊后來講：“本來頭天夜里商量好先由電力公司發(fā)動罷工，然后電車公司幾搭地方也舉行罷工聲援伊拉?！钡诙烨逶缙饋砜匆娐窡袅晾焙?，曉得電力公司罷工勿成功，伊就照常去上班，剛踏進電車公司就畀捉牢關(guān)了一處學(xué)堂里。迭辰光瘋狂捉人忒多了關(guān)勿落，就拿爿學(xué)堂派用場。同房間四個人，兩個是交大學(xué)生，另一個年紀(jì)大點叫老魯。關(guān)了里廂也勿審勿問，后來再曉得是準(zhǔn)備拿伊拉集中槍斃脫，窗門釘煞之縫縫里望出去，看也看勿見點啥，只聽得外頭槍炮聲越來越近，大家明白國民黨辣辣節(jié)節(jié)敗退，上海快要解放了。

迭一年5月24日下半日，上海警察局機動車大隊起義，正式通知局長毛森。毛森摜脫電話帶了幾個親信就逃，消息傳出去，整個警察系統(tǒng)儕癱脫。葛末到了25號早浪頭，同老池關(guān)了一間里個兩個交大學(xué)生到底年紀(jì)輕反應(yīng)快，講：“昨日夜里槍炮聲還蠻密，今朝早浪就少了交關(guān)聽勿大到了……”再聽聽走廊里看守個腳步聲也有一腔嘸沒聲音，其中一個去推推牢門，咦！哪能鎖也勿鎖開辣海？伊就拿了毛巾漱口杯手里開開門跑出去，問起來講是早浪頭要漱洗。伊從樓浪走到樓下，一個看守也嘸沒。就奔上來叫老池伊拉快點跑！出了房間老池還一間一間敲門，其他房門也嘸沒鎖，點人就跟牢老池后頭大家跑?。〕鰜砹苏J(rèn)出了是辣辣徐家匯附近，兩個交大學(xué)生就講要回交大去，老池就想先回到靜安寺赫德路（現(xiàn)常德路）英商電車公司“老?！蓖＼噲鋈そM織再講。路上越走越心定了，雖然頭頂上還偶爾有流彈滋滋飛過，但是只看見一隊隊解放軍由西向東走，有兩趟解放軍還勸伊回屋里去路浪危險。伊回答講，自家剛剛從國民黨牢監(jiān)里逃出來。解放軍還向伊敬個禮，老池講伊激動啊，眼淚水都出來了。

老池心急急從徐家匯沿牢墻腳跟走到“老棧”（停車場），只見門口頭一位地下黨同志立辣海站崗，胳膊上一只“人民保安隊”袖章，上頭鮮紅個關(guān)防（圖章）印辣海，大家見了面高興啊，進去后一些黨員同志還有積極分子儕圍上來問老池哪能出來？老池只會得回答：“解放了，解放了……”

5月28日，老池記得清清爽爽，組織上安排：“頭班電車開出去兜一圈，讓老百姓儕曉得上海解放了，大家安居樂業(yè)啦……”老池就接受了迭個光榮任務(wù)出車了，組織上還特為關(guān)照：“注意安全，聽從解放軍指揮，勿要硬闖，先開一節(jié)頭車子出去，勿來三就辮子一拉掉個頭轉(zhuǎn)來。”迭辰光個有軌電車是兩節(jié)頭，前頭一節(jié)機車，機車頭尾巴兩處儕有駕駛功能，只要頂浪辮子拉下來調(diào)個向，就可以反方向開轉(zhuǎn)來。臨開車又上來三五個同志，手里一人一根三尺長個自來水鐵管子，碰著壞人就勿怕。老池拿電車開出去，腳下頭一踏“當(dāng)當(dāng)當(dāng)，當(dāng)當(dāng)當(dāng)”早浪六點鐘馬路上空蕩蕩，清脆個鈴聲劃破了上海灘個寂靜，通告大家：大上海回到上海人民手里啦！

車子一路開出去，每只站頭儕有一位解放軍戰(zhàn)士立了，開到愛文義路（北京西路）就看到“扳紅綠燈”個爺叔出來了，胳膊浪也是圍了“人民保安隊”袖章，曉得伊拉是警察局交通隊個地下黨同志或者積極分子，大家行個注目禮打個招呼，心里也是講勿出個激動?。‘?dāng)年交通紅綠燈是人工操作，轉(zhuǎn)換紅綠燈要人工扳只開關(guān)，所以上海人稱交通警為“扳紅綠燈”個。平常電車前頭有人有車擋道就要踏響司機腳下只鈴“當(dāng)當(dāng)”響，搿辰光也勿管有人嘸沒人辣前頭，只管一歇息“當(dāng)當(dāng)當(dāng)”，一歇息“當(dāng)當(dāng)當(dāng)”，勿停個告訴大家，“電車又行起來啦，大家快點來乘啊……”

老池講到搿搭忽然問道：“哪能有人講‘上海解放了個電臺廣播啥人啥人是第一聲;又有人講，啊里一張報紙先發(fā)個‘上海解放號外。哪能就嘸沒人講，上海解放第一部電車開出去當(dāng)當(dāng)響，啊里一只紅綠燈頭一個扳出來呢？迭個也是交關(guān)有意思個啊?！?/p>

大家就回答伊：“會得寫個，會得寫出來咯。”